الشهر يمضي ماتقل غير يوميـن
واليوم مثل الساعه أصبح حسابه
القلب غافل وأكثر الناس لاهيـــن
ماحسّبوا والوقت فيه إنقـلابـــه
دنيا تقلب كنها أرماشت العيـــن
شوفو طريق الدين وامشوا صوابه
وش عاد لو عندك بيوت وملاييــن
ماينفعك والدّين صكّيت بابـــــه
الموت مايرحم شباب ومسنّيـــن
مات الرسول ومات كل الصّحابه
العمر فاني وأكثر الناس سالين
سالين بين الغشمرة والدعابـه
أحد على تويتر على الزّين والشّين
واحدٍ على الواتس آب ماحدٍ درابه
واحدٍ على البلرنقو أصحابه ألفين
يملك غرف للدردشة والكتابــه
مابين نسخ ولصق يرسل عناوين
لين الجهل والغي ضيّع شبابــه
واحدٍ مشى في هالبرامج على الزين
يرسل رسائل دين والخير جابـه
نصيحتي قدمتها للفهيميــــــــن
قدمتها والعبد يعرف صوابــــه
مايحس بالرّاحة غير المصليــــن
يامسلمين الله خافوا عذابـــه
خلوا مماشيكم على الخير والدين
قبل القبر ينسف عليكم ترابـــه
ليست هناك تعليقات:
إرسال تعليق